就趁今日地獄般嘅氣温下, 決定征西行動. 好~ 三軍未動, 糧草先行. 食左五片麵包加一杯無糖熱咖啡, 再上google map温一温條route, 惦哂! 出發~
由明星至大埔道就唔詳述啦~ 基本野冇咩特別. 去到呈祥道口轉上去, 響蝴蝶谷道口撞見有個MTB友, 同佢拍跳左一段斜路, 一路跑一路同佢吹左陣水, 原來佢返緊荃灣,我話佢知我跑去緊深井屯門果邊, 佢呆左~ 上到去青山公路葵涌段口, 我見到有間油站就入去補水, 同MTB友道別~
補完水就繼續旅程, 嘩~~~ 真係慘烈, 太陽猛X到~ 果一刻我覺得自已係--"一條做人有夢想嘅咸魚", 不停咁生曬~ 一直沿住青山公路住前跑, 經過葵涌, 穿過荃灣鬧市, 去到海盛路轉番出去, 噢~~~ 終於離開工廠區, 去到海邊啦~ 可以邊跑邊睇下風景, 當然我仍然係---"一條做人有夢想嘅咸魚", 繼續生曬~
走過陳記, 入7仔又補補水先. 漫漫長路, 終於跑到豪景, 響對面青龍頭碼頭抖一抖, 唉~ 真係好X熱~ 抖左一陣係時候番轉頭啦~ 跑番原路回程, 一路上冇咩特別, 當然我仍然係"一條做人有夢想嘅咸魚", 同埋依然好XX熱~
跑完到呈祥道口, 要轉番入大埔道, 唉~ 大X獲~ 又係果條non-stop 斜路 (上次爭d瀨野果度), 望上去真係唔X想跑, 頂~ 鬼叫自已係尖羅友咩~ 都坐唔X定~ 硬X住頭皮殺上去~
呀~ 今次又好過上次好多喎~ 今次盡量收細步距, 控制住心跳率, 密腳咁上~ 終於捱到去金山郊野公園啦~ 跟住係全落斜~~ 爽呀~
之後都係果條路番沙田, 駕輕就熟~
後記:
總結今次酷熱長課經驗, 我覺得肌肉嘅耐力方面唔錯, 都幾捱得, 跑完都冇咩野, 要留意係控制心跳率, 而散熱方面, 我假設你咁夠薑響呢種天氣, 重要係正午玩50k以上, 應該要有番咁上下功力, 唔係真係唔好攞命駁啦~
今次揸住個電話一跑一路影, 所以冇咩角度同構圖, 都係是是但但咁影左就算, 見諒~
下次西征嘅目標係 --- 沙田<->天水圍 (來回) ~~
今次本來想寫短d, 但又攪到咁長, 多謝收睇~